Монголын бизнесийн салбарт тэргүүлэгч “Шунхлай групп”, 100 орчим жилийн түүхтэй үндэсний ууган үйлдвэрлэгч АПУ ХК болон БНСУ-ын “GS Retail” компанитай хамтарсан компани байгуулах, олон улсын сүлжээ дэлгүүрийг нээж ажиллуулах гэрээнд гарын үсэг зуран “Digital concept” ХХК-ийг үүсгэн байгуулсан бөгөөд тус компани нь БНСУ-ын “GS Retail” компанийн олон улсын сүлжээ дэлгүүр болох “GS25”-ийн албан ёсны мастер франчайз эрхийг авч одоогоор Монгол улсын хэмжээнд 70 гаруй салбартайгаар үйл ажиллагаагаа амжилттай явуулж байна.
“GS Retail” нь БНСУ-д томоохонд тооцогдох “GS group”-ийн жижиглэн худалдаа, гоо сайхан, гэр ахуйн барааны үйлдвэрлэлийн салбар компани юм.
“GS25” нь БНСУ-ын Стандартын холбооноос тогтоодог чанарын судалгаагаар үйлчлүүлэгчдэдээ ая тухтай үйлчлүүлэх орчин, үйлчилгээний чанар, сэтгэл ханамжийг хамгийн сайн хангасан хэмээн өөрийн салбартаа сүүлийн 8 жилийн турш тэргүүн байрт шалгарчээ.
Ultimate Solutions ХХК нь 2020 оны оноос эхлэн “Digital Concept” ХХК-д ханган нийлүүлэлт, санхүү, хүнийн нөөц, борлуулалтын цогц ERP систем нэвтрүүлэх урт хугацааны хамтран ажиллах гэрээ байгуулан ажиллаж байна.