NUBIA нь төр, хувийн хэвшлийн нийгмийн түншлэлийн хүрээнд хэрэгжүүлэх “Улаанбаатар хотын Олон улсын нисэх онгоцны шинэ буудлын менежмент төсөл”-ийн концессын гэрээг Монгол Улсын Засгийн Газартай байгуулж, Чингис хаан Олон Улсын нисэх буудлын түүхэн цаг үеийн хоёр дахь хуудсыг нээн, шинэ байршил, шинэ орчинд үйл ажиллагаагаа эхлүүлсэн.
NUBIA нь Монгол–Япон хоёр улсын урт хугацааны стратегийн түншлэлийн харилцааг бэхжүүлж, Монгол Улсын эдийн засаг, нийгмийн хөгжилд бодит хувь нэмрээ оруулан ажиллаж байгаа мэргэжлийн чадварлаг хамт олон бөгөөд аюулгүй ажиллагааг нэн тэргүүний зорилгоо болгон ажиллахын зэрэгцээ байгаль орчинд ээлтэй “Ногоон нисэх буудал” болох зорилт тавин ажиллаж байна.
Манай Ултимэйт Солюшнс ХХК-ийн залуучууд өөрсдийн ур ухаан шингэсэн, Монголдоо нутагшуулсан Ultimate ERP системийг NUBIA-ийн үйл ажиллагаанд амжилттай нэвтрүүлэн хамтран ажиллаж байгаа бөгөөд биднийг сонгон хамтран ажиллаж буйд нь талархаж байгаагаа илэрхийлье.
